Matapos ang tuluyang pagka-renew ng prangkisa ng ABS-CBN at magdesisyon ang pamunuan ng network na bibigyan nila ng freedom ang mga talents na lumipat ng ibang istasyon, marami ang bulung-bulungan kung sinu-sino ang lilipat sa TV5 o GMA Network.
Napapabalita ngayon na sa Kapuso Network o GMA-7 lilipat ang Popstar Royalty na si Sarah Geronimo, na lalo pang umugong pagkatapos umanong maispatan ang sikat na mang-aawit sa bakuran ng Kapuso Network noong Huwebes ng Hapon, August 6.
May nag-tweet sa diumano’y pangyayaring ito na agarang nag-trending dahil sa kasikatan ng celebrity.
Kaya lamang, pinabulaanan ito ng mga taga-GMA dahil wala umano ang mga boss nila sa mga oras na iyon kaya’t malabo na naroon din si Sarah para makipag-negosasyon.
Nasabi naman ni GMA veteran screenwriter Suzette Doctolero sa Twitter na bukas silang tanggapin ang sikat na mang-aawit sa istasyon.
Sa ngayon ay malabo ng lumipat ang ibang mga artista dahil nakabalik na ang ABSCBN sa Free TV Channel gamit ang frequency ng A2Z Broadcast Center na pagmamay-ari ni Eddie Villanueva.
Kung totoo man ang balita sinabi ng Kapuso Network na magiging bukas ang kanilang pintuan sakaling lumipat nga si Sarah Geronimo.
0 Comments